Erandioko Goiherri A taldea nagusitu zen, pasa den zapatuan Martiartun Lur Gaineko Euskadiko Sokatira Txapelketan, 600 kilokoan.
Laukizko Gaztedi A taldeagaz berdinduta heldu zen talde goierritarra, eta ondo baino hobeto baliatu zuen etxean jokatzeak ematen zion abantaila. Izan ere, tiraldi denak irabazi zituzten Goiherrikoek. Laukiztarrak ere fin ibili ziren, eta txapeldunen aurka izan ezik, beste lehia denak eroan zituzten euren aldera. Txapelak nahiko ez zirelakoan-edo, Goiherri podiumeko hirugarren lekura ere igo zen, San Kristobal jaietan jokatutako finalaren ostean.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
