Barikuan, abuztuaren 14an, helduko dira Erandiogoikora Andra Mariren omenezko jaiak. Aurten, inoiz baino bereziagoak izango dira, bertako Goi-Alde dantza-taldeak mende erdia beteko baitu hurrengo egunean, zapatuan, Andra Mari egunean. 1965ean egin legez, plazara irtengo dira euskal folklorearen erakustaldia ematera, baina, orduan ez bezala, Txorierriko dantzez aparte, aukeran izango dute Bizkaiko eta Euskal Herriko errepertorio zabala. Gainera, Jose Luis Intxaurbe “Kotxelu”-k gidatu zuen talde txikia 160 bat laguneko familia zabala bihurtu da. Bertan, lehenengo urteetako dantzari batzuek eusten diote, seme-alabak eta ilobakaz batera.
Egitaraua
Abuztuak 14, barikua
20:00 Txupina, eta kalejira txistulariakaz.
21:30 Saiheski errearen dastaketa.
00:00 Berbena Honategaz eta gaupasa Oihan Vegagaz.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
