Erandion Euskaraz Berbots! udalerriko euskara-taldeak batzar orokorra egingo du martitzenean, irailaren 15ean. Ikasturte berrirako ekimenak antolatzea da oporren eta Altzagako jaien osteko lehenengo bilera horren helburua.
Euskaltzaleek hainbat ekimen antolatzen dute urte osoan, esaterako: Kanpomartxo festa, Berbalagun programa, berbatxangoak, Euskarak 365 egun izenekoa, Altzagako jaiak, Gabonetako Bertso-jira eta abar.
Bilera elkartearen egoitzan egingo dute, 19:00etan, eta bertara hurbil daitezke Berbotseko kideak zein Erandio euskaldunago izan dadin behar egiteko prest dagoen oro.
OHARRA: Goiherri sokatira-taldeari egun horretan egingo dioten gorazarrea dela-eta, bilera 18:30era aurreratu dute.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!