Jose Miguel Arranz de Juan pintore erandioztarrak irabazi du Berako Pintura Lehiaketa, 1.000 euroko sariagaz batera. Gure Txokoa elkarteak antolatuta, 28 sortzaile bildu ziren pasa den domekan Nafarroa Garaiko herrian, nork Beraren bere ikuspegia hartzeko. Arranzek zubiaren inguruko gunea aukeratu zuen eta konposizio horri esker nagusitu zen. Bigarren lekuan geratu zen Esteban Oroz eibartarra; 600 euro eskuratu zituena. Epaileak Javier Sagarzazu, Josu Urtizberea eta Juan Carlos Olaetxea pintoreak izan ziren. Antolatzaileen aburuz, arrakastatsua izan da hamaikagarren edizioa. Aurrekoa egin zenetik 22 urte pasa dira.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!