Bihar, etzi eta etzidamu, martitzen, eguazten eta eguenean, N-637 errepideko irteera bat itxiko dute gauez. Bizkaiko Foru Aldundiak jakinarazi duenez, itxita egongo den irteera BI-604 errepidera doana da, Enekurirako noranzkoan.
Gorabehera hori 22:00etatik 06:00etara izango da eta, dirauen bitartean, Bilborantz doazen ibilgailuak Larrondoko lotuneraino desbideratuko dira, han aukera izango baitute noranzko-aldaketa egiteko.
Aldundiak barkamena eskatu du gorabehera horrek sor ditzakeen eragozpenengatik.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!