Ezinbestean, dantza izango da ardatza ekimen gehienetan, 1965eko abuztuaren 15etik aurrera Goi-Alderen arima izan dena. Data hartan kaleratu zen lehenengo aldiz taldea, Andra Mari egunean, auzoko jaietan erakustaldia egiteko. Espiritu horregaz batu ziren, pasa den abuztuan ere, taldetik pasatutako ehunka lagun. Eskarmentu gehien zutenek hasierako garaiak eta pertsonak ezagutu zituzten: On Mariano abadea, taldea sortzea eskatu zuena; Jose Luis Intxaurbe "Kotxelu", agindutakoa gogoz bete zuena; Itziar Aresti, neskak ere dantzan ipini zituena, eta Javi Intxaurbe, dantza-maisua. Haiek ereindako kultura- eta folklore-grina sasoian dagoela erakutsiko dute berriro ere aste-akabuan.
Egitaraua
Urriak 2, barikua
20:00 Goi-Alderen 50. urteurreneko erakustaldia, Erandioko Udal Musika Bandagaz batera.
22:00 Ogitarteko-afaria. Txartelak 2 euroan.
Ostean DJ-a.
Urriak 3, zapatua
12:30 Dantza-taldeen erakustaldia: Goizaldi (Donostia), Gaztedi (Santutxu) eta Baztango Mutil Dantzari Taldeagaz (Arizkun).
15:00 Herri-bazkaria. Txartelak, salgai: 20 euro (umeentzat, 10 euro).
18:00 Taberna ibiltaria.
Ostean DJ-a.
Urriak 4, domeka
Egun osoan Puzgarriak.
13:00 Pintxo-poteoa. Edari bakoitzagaz, pintxoa doan.
17:00 “Arrantzara dantzan!” umeentzako ekitaldia, Irrien Lagunak taldeak antolatuta.
19:00 Korrontzi taldearen emanaldia.