Erandioko Udalak lanean segitzen du, argiztapen publikoan kontsumoa jaitsi eta eraginkortasun energetikoa hobetzeko, Tokiko Agenda 21en irizpideei jarraituz. Besteak beste, Udala 203 farola eta luminaria ordezkatzen hasi zen, modelo berriakaz.
Denera, 108.872,97 euroko aurrekontua dauka eginbehar horrek. Hori dela- eta, Erandiok diru-laguntza eskatu zion pasa den uztailean Energiaren Euskal Erakundeari. Daborduko, lanen hiru laurdenak amaitu dituzte, eta 58 luminaria baino ez dira geratzen aldatzeko, Asua eta Erandiogoikoren artean, Avanzada errepidean.
Orain arteko kontsumoa orduko 180.729 kilovatiokoa izan da. Hobekuntzen ostean, 40.020 kilovatiokoa izango da, %77,86 aurreztuko baita.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!