Izan ere, Leire Hernandezek azaldu duenez, "normalean, berbalagun-taldeak taberna barruan batzen dira, eta kalean euskara ez da gehiegi sumatzen. Horregatik, gaurkoan euskara kalera atera gura izan dugu".
Hernandez Berbalagun ekimeneko dinamizatzailea da, eta aurtengoa bere 3. urtea da. Pasa den ikasturtean, 50 bat lagun batu ziren elkarregaz euskaraz berba egiteko. Aurten, oraingoz, hiru talde osatu dituzte (16 pertsona), eta beste 5 lagun zain daude. Hala ere, edozein unetan eman daitekeenez izena, iazko marka gainditzea espero dute. Gurasolagunak eta dantzari-taldea ere atera gura dituzte. Izena honako posta elektronikoaren bidez eman daiteke: berbalagunerandio@gmail.com
Hurrengo ekimenak
Azaroaren 20an, barikua, Bat-batean bertso musikatuen saioa izango dute Astrabuduko Josu Murueta kultur etxean. Ikuskizun horretan, Oskar Estanga eta hainbat musikariek munduko hainbat doinu erabiliko dituzte. Hilaren 22an, domeka, ostera, "Landare inbaditzaileak" goiburuko berba-txangoa izango da, Gorka Menendezek gidatua. Ekimen biak doakoak dira, baina berba-txangora joateko, aurretik izena eman beharra dago, honako posta elektronikoan: berbots@gmail.com