1969ko urriaren 28ko gauean Francoren Polizia Armaturen bala batek Anton Fernandez altzagarraren burua jo zuen, garai horietan erandioztarrak itotzen zituen kutsaduraren kontrako protestetako bati etxeko balkoitik begira zebilela. 15 egunez koman egon ostean, ospitalean hil zen. 29an, goizez, 2.500 langile baino gehiago kalera irten ziren protesta egiten jarraitzeko asmoz. Orduan, 31 urte zeuzkan Josu Murueta astrabuduarra sabelaldean tiro bat hartuta hil zen, gau horretan bertan. Estatuko erakunde batek ere ez zuen gertakarien erantzukizuna aitortu. Hainbat urtez Fernandezen biktima izaera aldarrikatu ostean, Eusko Jaurlaritzak sortutako Balioespen Batzordeak aldeko irizpena eman zuen, Bakegintza eta Bizikidetzarako Idazkaritza Nagusiaren arabera.
Anton Fernandezen heriotza gogorarazi du Erandioko Udalak
Erandioko Udalak eta Euskal Memoria fundazioak sare sozialetan akordura ekarri dutenez, gaur 46 urte bete dira Anton Fernandez Elgorriaga ospitalean hil zenetik. 15 egun lehenago Poliziak zauritu zuen manifestazio batean Erandion.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun