Daborduko gazte erandioztarrek izena eman dezakete 49 ikastaro, tailer eta ekimenetan parte hartzeko. Inskripzioagaz batera, 3 eta 250 euro bitartean ordaindu beharko dituzte, ikastaroaren arabera. Izen-ematea ixtear dituzten saioak honakoak dira: pilates eta zumba, hilaren 29an; eta inteligentzia emozionalaren tailerra, mintza-praktika ingelesez, eta ur-sorospena, otsailaren 5ean. Azken ikastaro hori egin ahal izateko, interesdunek aurretik lehenengo sorospenen diploma indarrean izan eta proba fisikoa egin beharko dute: 200 metro igeri egin lau minutu erabiliz gehienez, eta 25 metro urpean igeri egin. Klaseak otsailaren 16tik martxoaren 20ra izango dira; martitzen eta barikuetan teorikoak, eta zapatuetan, berriz, praktikoak.
Argibide gehiagorako, 946 025 891 telefonora deitu edo gazteinfo@erandioko-udala.net posta elektronikora idatz daiteke.
Ikastaro-eskaintza zabala dute aukeran gazte erandioztarrek
Abendura bitartean 50 bat ikastaro eta ekimen antolatu ditu Erandioko Udal Gazteria Sailak. Tailer gehienetan, 15 eta 35 urte bitarteko neska-mutilek parte har dezakete.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun