Datorren astelehenean, otsailaren 15ean, epaituko dituzte Oier Torre eta Imanol Eguskiza gazte erandioztarrak, Kalezulo gaztetxearen okupazioa dela-eta. Altzagako gazte zentroak hainbat mobilizazio iragarri du aurreko zapaturako, hilak 13, "Gaztetxea defenda dezagun!" eta "Kalezulo aurrera!" goiburupean.
Kalezuloko kideek, zapatuan, udaletxearen aurreko Irailaren 23a plazara joatera deitu dute. Bertan, 18:00etatik aurrera, txalaparta, zumba, serigrafia, gitarra, eskalada-murrua eta bestelako tailerrak egingo dituzte. Horren ostean, 19:30ean, "manifestakzioa" egingo dute herriko kaleetatik, Itziarren Semeak musika-taldearen emanaldi batez bukatzeko.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!