Ganemos Erandio plataformaren eta Ahal Dugu alderdiaren ustez, aparkaleku ezak anabasa sortzen du auzoan. Azaldu dutenez, horren adibidea da egunotan Avanzadaranzko irteeran zegoen arauz kanpoko aparkalekua itxi egin dutela, eta autoa uzteko leku asko galdu direla. Alderdi politiko bien arabera, “arazo hori larriagotuko da, berriz, anbulatorioko aparkalekuak itxiko direnean”. Gogoratu dutenez, leku libreak topatzeko auzokideek eman behar dituzten jira-biretan kutsadura eta zarata handitzen dira, behar barik. Metro-geltokiaren ondoko hala moduzko aparkalekua ere kritikatu dute, “argiztapen zuzena falta zaiolako” eta “lau tanta erortzen direnean, igerileku bihurtzen” delako. Gainera, azpimarratu dutenez, pribatua da, eta gehienez jota, behin-behineko konponbidetzat uler dezakete. Aukera bideragarriak eskatu dizkiote Udal Gobernuari.
Aparkalekuez eztabaidatuko dute arrastian Astrabuduan
Ganemos Erandio udal taldeak eta Erandioko Ahal Dugu alderdiak batzar ireki batera deitu dituzte gaur Astrabuduko auzokideak. Gaia parkingen gabezia izango da, Astrabuduak “arazo larria” eta “kronikoa” duela iritzita. Bilera Josu Murueta kultur etxeko gela urdinean izango da, 19:30ean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun