Izan ere, azken hori ziurtatzen dute Udalagaz batera zerbitzua ematen duen enpresak aurkeztutako galdeketaren emaitzek. Horren arabera, E-busaz eta zerbitzuaz «iritzi ona» daukate erabiltzaileek: "nota ona eman diete gidariei, eta hori funtsezkoa da eguneroko joan-etorrietarako. Bestalde, pozgarria da autobusak ere erabiltzaileen gustukoak izatea", Udal Gobernuak baloratu duenez. Bus-zerbitzuaren alde on horiek azpimarratu dituzte erabiltzaileek inkesta horretan: gidariekiko harremana, puntualitatea, erosotasuna, irisgarritasuna; hau da, zerbitzu gehiago dituzten auzo nagusietara iristeko erraztasuna, urruneko auzoetan bizi direnentzat; geraleku asko izatea; prezio ona, eta ibilbidea.
Halere, denak ez daude ados. Pasa den udalbatzan, EH Bilduk ahotsa eman zion Erandiogoikoko Auzokoa Herrikoi Elkarteari, eta tarifa bakarra, ibilbide aldaketak eta maiztasun handiagoak eskatu zituen, astegunetan zein aste-akabuetan, besteak beste.