Epailearen arabera, Ereaga Gestion SL enpresak Jose Luis Goyoaga kaleko 11. zenbakian duen lokala "urteak zeroan jabeak utzita" eta urteak ziren ere gaztetxe gisa erabiltzen zela. Konkurtso-administratzaileak 2015eko urriaren 2an hara joan zirenean ezin izan ziren bertara sartu. Epaian jasota dagoenez, "sarraila aldatuta zegoen, nork eta noiz egin zuen ez dakitela".
Magistratuak azpimarratu duenez, jurisprudentziaren arabera okupazio oro ez da delitu, kasu zehatz batzuetan baizik. Hala baztertu du eraikinak "arriskurik" izan izana edo okupatzaileek eraikinaren jabetza eskuratzea gura izana: "salatutakoek onartu dute lokal utzi bat erabili dutela, beste batena". Era berean, epaileak ukatu du jabeak urte horietan lokala aldarrikatu duenik: "hemen bakarrik agertu da konkurtso-administratzaileak pabiloira joan izana, poliziaren esku-hartzea eta salaketa". Horregatik, Muñoz andrearen ustez, ez da probatuta geratu deliturik dagoenik. Halere, argi utzi du deliturik ikusi ez baduela ere, bide zibilean salatzaileek aukera gehiago luketela.
