Gaur, barikua, Erandioko Kalezulo gaztetxeak urteko lehenengo afari akustikoa hartuko du. Ohi den legez, ekitaldia 21:30ean hasiko da. Erandioko Gazte Asanbladak zabaldu duenez, "Kalezulok izan duen denboraldi zailaren ostean martxan jartzeko garaia heldu da!". Horretarako, oraingo honetan gonbidatuak The Coast bikoteko Leire Lopez Goti eta Endika Basterretxea Zalbidea izango dira.
Afaria eta kontzerturako sarrera bost euroan erosi ahal izango da zentro sozialaren atean bertan.
The Coasteko kideek hainbat kontzertu eman dute eskualdean, azken urtean, batzuetan Tandem izenagaz. Besteak beste, jo egin dute Kukularrako jaietan, Berangoko Antzokian, Igeretxe hotelean Getxoko Rotary Club-erako eta Plentziako Uriola kafetegian.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
