Erandioko Udalaren Berdintasun Zerbitzuak zabaldu duenez, azken talde hori osatu zuten 13 neska-mutilek sariaren diru-kopuru osoa bideratu dute Elikagaien Bankua laguntzera. Gazteek eurek azaldu dutenez, hasieran sariagaz afari bat egitea pentsatu zuten, "baina azkenean dohaintza egitea erabaki genuen, konturatu ginelako jendeak janaria behar zuela". Gainera, bertako dendetan erosi zituzten elikagaiak, gero horiek oparitzeko. Leire Idarraga Espel Berdintasun teknikariak gogora ekarri duenez, azken lehiaketan ikastetxeakaz eta gazte-lonjakaz elkarlanean jardun zuten.
Elikagaien Bankuarentzat izan da Beldur Barik-en saria
Pasa den abenduan, Erandioko Udalak bertako Beldur Barik bideo-lehiaketaren sariak banatu zituen. Adinbakoen kategorian, "Mensajes de Whatsapp" eta "Beldur Barik Erandio" izan ziren irabazleak. 17 eta 26 urte bitarteko mailan, ordea, "El dia en que Caperucita se convirtio en el lobo feroz" lanaren sortzaile Kaperu Films taldeak eskuratu zuen 100 euroko saria.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun