Pasa den martxoaren 20an, hainbat eta hainbat lagunek ospatu zuten Kanpomartxo euskararen festa Martiartun. Handik hilabetera, datorren eguaztenean, apirilak 20, balantzea egiteko batzarra ipini du Berbots Erandioko euskaltzaleen topaguneak. Hitzordua 19:15ean izango da Berbotsen lokalean.
Bileraren gai-zerrenda honakoa da: informazioa eta diru kontuak; aurtengoa zelan joan da?; datorren urterako zer hobetuko dugu?; eta proposamenak: 2017ko Kanpomartxo non?
Bitartean, Kanpomartxoko argazkiak ikusgai paratu ditu Berbotsek. Egun gozagarria akordura ekarri gura dutenek Berbots.eus webgunean dute aukera.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!