Udan zabaltzekoa da Urdulizko ospitalea; ordutik aurrera, hori izango da, "antza, Erandion bizi garenoi egokituko zaiguna", EH Bilduk ohartarazi duenez. Koalizioak gogora ekarri duenez, lehenengo unetik Urdulizek ez ditu hartuko orain Gurutzetak eskaintzen dituen zerbitzuak, horiek "apurka-apurka" zabalduko baitituzte.
Horregatik, "Osakidetzaren erabaki hori kezkagarritzat jo" zuen EH Bilduk, pasa den udalbatzan. Euren ustez, ospitalea "urrunago" dago, eta garraio publikoan erandioztarrek "erraztasun gutxiago" izango dituzte. EH Bilduk beste alderdiei eskatu die "Gurutzetan mantentzearen aldeko presioa egitea denok batera".
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!