Apirilaren 5ean ipini zen martxan Hazilan proiektuaren lehenengo deialdia. Programaren hastapenean, goi-mailako ikasketak dituzten 20 eta 35 urte bitarteko 22 pertsonak eman dute izena, enpresetan praktikak egin ahal izateko. Erandioko Udalak zabaldu duenez, "ilusioz hasitako proiektu horren bitartez, udaleko enplegagarritasuna hobetzea espero" dute.
Erandioko Udalaren garapen-agentzia arduratzen da ekimenaz, eta langabezian dauden gazte erandioztar kualifikatuei beharra lortzen laguntzea du helburu. Pasa den martxoan egindako izen-ematearen prozesuaz gainera, uztailean ere Hazilan egitasmoan inskripzioa betetzeko aukera izango da, Erandioko Behargintzaren bulegoan. Langabetuek ez ezik, ikasitakoaren araberako lana bilatzen duten beharginek ere parte har dezakete.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!