Erandioko Emakumeen Elkarte Soziokulturalak antolatuta, berdintasunerako sukaldaritza-ikastaroa eskainiko dute maiatzean eta ekainean Altzagan. Antolatzaileek zabaldu dutenez, aipatutako sukaldaritza-ikastaroa gizonezkoei zuzenduta egongo da, eta Altzagako Bekoa eskolan egingo dute.
Denera, 24 ordu iraungo du tailerrak, honako martitzen eta eguenetan: maiatzaren 10ean, 12an, 17an, 24an eta 31n eta ekainaren 2an, 7an eta 9an. Ordutegia 19:00etatik 22:00etara izango da egun guztietan. Interesdunek apirila amaitu aurretik izena eman beharko dute, emakumeen elkarteko egoitzan bertan.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!