Horretarako, pertsona juridikoek maiatzaren 20a baino lehen egin beharko dute eskaera, udaletxeko erregistroan, Astrabuduko Udal Bulegoan, edo postetxeren batean, gutun ziurtatuaren bidez. Euskara Zerbitzuak honako irizpideak erabiliko ditu, besteak beste, proposamenak balioesteko: proposatzaileak zer sustrai dituen Erandion eta inguruan; garatutako jardueraren jarraitasuna; beste erakunde batzuen finantzabideak eskuratzeko zailtasuna; elkarteak dituen bitarteko ekonomikoak; proiektua ESEPen helburuetara egokitzea eta lehentasunezko alderdiak jorratzea; maiztasuna; originaltasuna; elebiduna edo euskaraz elebakarra izatea; hizkuntza, arraza, erlijio eta sexuen arteko berdintasuna sustatzea, eta ingurumena errespetatzea.
Euskara sustatzeko laguntzak eska ditzakete Erandioko elkarteek
Erandioko Udalaren Euskara Zerbitzuak diru-laguntzen deialdia plazaratu du udalerriko elkarteentzat, euskara sustatzeko jarduerak finantzatzen laguntzeko, "betiere Udalak onartua duen ESEP Euskara Sustatzeko Ekintza Planean ezarritako helburu estrategikoetan oinarrituz". Proiektuak aurkeztuko dituzten elkarteen artean, 5.000 euro banatuko ditu Udalak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun