Autobusa goizeko 11:00etan irtengo da Altzagako metro-geltokitik eta 21:00etan abiatuko da bueltan. Eguenera arte, ekainaren 2ra arte, eman daiteke izena, berbots@gmail.com posta elektronikora mezua bidaliz edo Altzagako La Plaza tabernatik pasaz. Bidaiaren prezioa 5 eurokoa da, eta berbotskideen kasuan, 3 eurokoa.
Berbotsek azaldu duenez, "euskarari bide eman behar zaiolako neurri ausartak aldarrikatuko dira" Iruñeko martxan. "Justiziazkoa delako, oreka soziala bermatzeko beharrezkoa delako" eta "euskaraz bizi nahi dugun herritarrok behar eta merezi ditugulako" bat egin dute Erandioko euskaltzaleek hitzorduagaz.
Era berean, mobilizazioari atxikimendua eman gura diotenek, horretarako aukera dute honako formularioa betez. Euskararen Gizarte Erakundeen Kontseiluak ekainaren 4ko martxa euskaltzalearen bidez "neurri ausartak" aldarrikatuko ditu "euskarari bide emateko".