Gaurtik aurrera, eta aste-akabu honetan eta hurrengoan, ekainak 3, 4, 5, 10, 11 eta 12, Erandio Pintxotan lehenengo pintxo lehiaketak zapore ona utziko die erandioztarrei. Altzaga eta Astrabuduko 24 ostatutan pintxo bereziak probatzeko aukera izateaz gainera, auzokideek eta bisitariek 300 euroren zozketan hartuko dute parte, pintxoen kartillan botoa eman eta berau entregatzen badute.
Horretarako, pintxo-zaleek sei jatetxe edo taberna puntuatu beharko dituzte, eta seiei dagozkien pegatinak eskatu. Auzo bietako establezimenduetako pegatinek agertu beharko dute kartillan.
Honako ordutegia izango dute pintxoak dastatu eta puntuatu nahi dituztenek: barikutik domekara, goizeko 12:00etatik 15:30era; eta barikutik zapatura, 19:00etatik 22:00etara ere bai. Behin kartilla beteta, ostatu parte-hartzaileren batean utz daiteke. 300 euroren zozketa ekainaren 17an egingo dute, Erandioko Behargintzan, Altzagako Bekoa ikastetxean, 14:00etan.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.