Ertzain zein udaltzain gehiago izango dira aldi berean kalean; hala, uniformez eta kalez jantzitako polizia-patruilak ibiliko dira jai-eremuaren barruan zein inguruetan, baita Astrabuduko metro-geltokian ere. Liskarren eta erasoen prebentzioa da neurri horren helburua.
Era berean, Polizia biek arreta berezia jarriko diete alkohola saltzen duten lokalei, adin txikikoei edari alkoholdunak sal diezazkien saihesteko.
Bestalde, garrantzi berezia eman diote jaietan substantzia sorgorgarrien trafikoa eta kontsumoa prebenitzeari eta zigortzeari.
Azkenik, Ertzaintzak eta Udaltzaingoak jai-ekitaldietako parte-hartzaileei ohartarazi diete diru-zorroak eta jabetzak are gehiago zain ditzatela; izatez, jaiak eta kontzertuak direla-eta jende andana bilduko dela baliatuta, lapurretan diharduten delinkuenteen kopurua gehitzea aurreikusi dute.
Era berean, arreta berezia eskainiko zaio sexu-askatasunaren kontra izan daitezkeen delituen prebentzioari, eta, horretarako, "mota horretako delituak egiteko lekurik aproposenak zainduko" dituzte.
Ertzaintzak eta Erandioko Udaltzaingoak batera jardungo dute Astrabuduko jaietan
Ertzaintzak eta Erandioko Udaltzaingoak "segurtasunaren prebentziorako baterako dispositiboa" egingo dute Astrabuduko jaiak direla-eta; Eusko Jaurlaritzaren Segurtasun Sailak gogora ekarri duenez, festak abuztuaren 5etik 10era egingo dira. Dispositiboaren helburuak izango dira "liskarrak eta erasoak prebenitzea, adin txikikoei alkohola sal ez diezaien kontrolatzea eta substantzia sorgorgarrien kontsumoa prebenitzea".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun