Astelehenean zabalduko dute inskripzioa Erandioko Emakumeen Elkarteko ikastaroetarako

Iker Rincon Moreno 2016ko ira. 9a, 09:30

Aurten ere, aerobox ikastaroa eskainiko dute. LA RED 21

Datorren astelehenean, hilak 12, irekiko da Erandioko Emakumeen Elkarteak antolatutako hamaika ikastarotan izena emateko aukera. Emakume zein gizonentzat izango dira tailer eta ikastaro denak.

Jarduera soziokulturalak ardatz hartuta, Erandioko Emakumeen Elkarteak ikastaro sorta zabala prestatu du datorren ikasturterako, urriaren 3tik aurrera. Kirol jarduerak gustukoak dituenak hainbat aukera izango du: pilatesa, iaz estreinatutako aeroboxa (aerobic eta kickboxing arteko nahasketa), zumba eta mantenimenduko gimnasia, berbarako. Dantza eta musika interesa dituenak ere topa dezake zer egin: abesbatza, sevillanak (hasierako ikastaroa zein hobetzekoa) eta areto-dantzak, besteak beste.

Horiez gainera, tailerren eskaintza zabala dago: eskulanak, margoa, grafologia, etxeko lanak, irakurketa adierazkorra, eta jantzigintza. Gainera, aurten puntu eta kakorratz-lanak ere izango dira aukeran. Emakumezkoek zein gizonezkoek parte hartu ahal izango dute ikastaroetan, beti ere aurretik matrikula eginez gero. Irailaren 12tik 26ra izango da horretarako epea, astelehenetik eguenera, 18:00ak eta 20:00ak bitarteko ordutegian. Erandioko Emakumeen Elkarteko bulegoa izango da inskripzioa betetzeko lekua: San Agustin plazako 1. zenbakian. Eskaintzaren eraginez, pilates eta zumba izango dira talde gehien mugituko duten ikastaroak. Argibide gehiagorako, mujereserandio@hotmail.com posta elektronikora idatz daiteke.

Ikastaroak

Pilatesa: astelehen eta eguaztenetan, 10:00, 17:00, 18:00, 19:00 eta 20:00etan.

Eskulanak: astelehenetan, 16:00etan.

Aeroboxa: astelehen eta eguenetan, 19:00etan.

Abesbatza: astelehen eta eguaztenetan, 19:00etan.

Margoa: astelehen eta martitzenetan, 19:45ean.

Mantenimenduko gimnasia: martitzen eta eguenetan, 10:00etan.

Grafologia: eguenetan, 17:00etan eta 19:00etan.

Lanak: eguenetan, 16:00 eta 18:00etan.

Irakurketa adierazkorra: martitzenetan, 11:00etan eta eguaztenetan, 16:00etan.

Zumba: martitzen eta eguenetan, 18:15, 19:15 eta 20:30ean.

Jantzigintza: eguaztenetan, 18:00etan.

Sevillana hasiera: eguaztenean, 17:00etan.

Sevillana hobekuntza: eguaztenean, 18:30 eta 20:00etan.

Areto-dantzak: barikuetan, 20:15ean.

Puntu eta kakorratz-lanak: martitzenetan, 11:00etan eta eguaztenetan, 16:00etan.

Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun