Adrian Alvarez Bembibre (Bierzo) herriko kirolariak irabazi zuen 43. inertzia-txapelketa pasa diren Erandioko jaietan, C4 kategorian. Alvarezek 45 segundo eta 985 milako behar izan zituen Arriaga eta Altzaga bitarteko 800 metroak jaisteko. Denbora horri esker, Espainiako Inertzia Txapelketa eta Espainiako Kopa irabazi zituen.
Izan ere, Erandion jokatu ziren Estatuko Txapelketa eta Espainiako Koparen lau etapetatik azkena. Hala, Bierzokoak iazko garaipena berretsi zuen txapelketari dagokionez. Halere, Alvarezek gutxigatik errepikatu zuen garaipena, Jacobo Bastos galiziarra berarengandik 28 milakora sartu baitzen. Era berean, Ivan Marcos leondarrak Alvarez baino 319 milako gehiago behar izan zituen zirkuitua osatzeko. Laugarren postuan Calixto Garcia geratu zen, 46 segundo eta 326 milakogaz.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!