Erandion Euskaraz Berbots! udalerriko euskara-taldeak batzar ireki eta berezia egingo du datorren martitzenean, irailaren 20an, Euskaltzaleen Toapguneagaz batera. Auzokideei azaldu dietenez, "Ikasturte honetan, Berbots berria eraikiko dugu, Erandio berria egin nahi dugu; zurekin Erandio euskaldunago egin gure dugu. Beraz, erdu hurrengo bilerara!".
Hitzordua 19:00etan ipini dute, Bekoa ikastetxeko Berbotsen lokalean, 2. solairuan. Bertara hurbil daitezke Berbotseko kideak zein Erandio euskaldunago izan dadin behar egiteko prest dagoen pertsona oro.
Euskaltzaleek hainbat ekimen antolatzen dute urte osoan, esaterako: Kanpomartxo festa, Berbalagun programa, berbatxangoak, Euskarak 365 egun izenekoa, Altzagako jaiak, Gabonetako Bertso-jira eta abar.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
