Horrez gainera, irailaren 24an, zapatua, haurrentzako jolasak (11:00) egongo dira, Jose Andres Mendiguren plazan; eta 12:30ean triki-poteoa egingo dute. Arrastian, berriz, Astrabuduko futbol zelaian dantzatuko dute. Guztira, 300 lagun inguru batzea espero dute; izan ere, 40 urte hauetan Trabuduko kide izandakoek osatutako nesken zazpi taldek eta mutilen beste hamarren batek dantzatzea lortu gura dute. Lehenengo, kalejira (18:30) egingo dute, Inazio Aldekoa ikastetxetik, eta, gero, dantzaldia (19:00); afariaren ostean, berriz, Garilak 26 erromeria-taldeak joko du, gaueko 11:00etan, Mendiguren plazan. Amaitzeko, domekan, Euskal Azoka eta Euskal Ezkontza (11:00), herri-bazkaria (15:00) eta Patxi eta Konpainiaren erromeria antolatu dituzte.
Irailaren 19tik 25era Euskal Astea egingo du Trabudu Dantzari Taldeak, bigarrenez
Trabudu Dantzari Taldea 40. urteurrena ospatzen dabil aurten; ekainean egin legez, irailaren akabuan ere Euskal Astea egingo dute Astrabuduan. Hala, hilaren 19tik 25era, Trabuduren historia lau haizetara zabaldu gura dute. Astelehenenetik barikura argazkien erakusketa egongo da, Josu Murueta kultur etxeko erakusketa-aretoan; irudiak kalera aterako dituzte, Jose Andres Mendiguren plazara, aste-akabu horretan.
Erlazionatuak
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun