Bariku honetatik urriaren 16ra bitartean, besteak beste, musika-emanaldiek, azokek, txapelketek eta bazkariek beteko dituzte Josu Murueta plaza eta inguruko kaleak. Ekitaldiren bat aipatzearren, martitzenean, urriak 11, emakumeen bazkaria egingo dute.
Astrabuduko Getxo kalean dagoen Extremadurako Etxea 50 etorkinek zabaldu zuten 1979an. Ordutik hona, lurralde hartako kultura, ohiturak eta gastronomia ezagutzera ematea izan da bertoko bizilagunen helburua. Besteak beste, La Encina abesbatza eta Virgen de la Montaña dantza-taldea osatu zituzten; gaur egun, zumba, pilates eta ehoziri-lanen ikastaroak egiten dituzte bertan. Baina, urtero antolatzen duten Extremadurako Astea ez da bakarrik lurralde horretako adierazpen kulturalak erakustera mugatzen. Astrabuduko hainbat elkarteren laguntzaz, Euskal Herriko ohiturak ere lau haizetara zabaltzen dituzte.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
