Florentino Badiola, Aiora Sedano eta Aitor Fernandino aktoreek osatzen dute Anodino antzerki-taldea. Mikel Fernandinok idatzitako obra labur bat aurkeztu zuen taldeak Pabellon 6 guneko Antzerki Laburren II. Jardunaldietan, 2014ko ekainean. "Zeru kapitalistaren kapritxoak jasan behar dituen hilotz gizajo baten gaineko dibertimendu burugabea" izan zen "Dios ©" obra. Lan labur horrek oso harrera ona izan zuenez, muntaia luzeagoa eta landuagoa egitera animatu ziren, umore beltz, absurdo eta histrionikoan murgiltzeko asmoz. Barre egitea, algaraka; hortik sortu zen Anodino Teatroa, 2015eko maiatzean.
"Zerura eroria" antzezlana bihar, Altzagan
Eguen honetan, urriak 20, Anodino antzerki-taldearen lehenengo lana ikusteko aukera egongo da, Altzagako azoka zaharrean. Bilboko Pabellon 6 gunean eman zituen hasierako pausoak "Zerura eroria" obrak; eta Sopelako Kurtzio kultur etxean 15 eguneko sormen-egonaldia egin zuen urtarrilean Anodinok, antzezlana sortzeko. Bertan egin zuten aurre-estreinaldia, urtarrilaren 30ean. Altzagako emanaldiari dagokionez, 20:00etan izango da; sarrera, doan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun