Bihar, zapatuan, ostera, lehiatzeko eguna helduko da. Goizeko 09:00etan zabalduko dute Nazioarteko IV. Putxera Kriteriumaren izen-ematea, 11:00ak arte. Eltzeak berotu eta babak bor-bor ipini ondoren, 13:00 eta 13:30 bitartean izango da gutiziak aurkezteko unea. Irabazleak nortzuk diren jakingo da 17:00etan, sari-emanaldian. Saririk garrantzitsuena txapela, garaikurra eta 200 euro izango da. Erandioko sukaldaririk onenek ere sariak izango dituzte. Argazki-lehiaketa ere izango da. Bestalde, Mendibaiarte abesbatzak kantatuko du goizean, eta 19:00etan kontzertu bat egongo da.
Astrabuduko Nazioarteko IV. Putxera Kriteriuma, abian
Aste-akabu honetan indaba-lurrinak hartuko du Astrabudua. Gaur eta bihar, barikuan eta zapatuan, ohiko lapikoen txapelketa egingo dute Astrabuduko Josu Murueta plazan, Takolos irrati-klubak antolatuta, eta hainbat taldek babestuta. Gaur, ekimenari hasiera eman diote daborduko, karpa eta txosna zabaldu eta pintxo-poteaz gozatzeko.
Erlazionatuak
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun