Zapatu honetan, hilak 29, Murueta ontziolen instalazioak ezagutzeko aukera egongo da. Ekimena Erandioko Udalak eta Murueta enpresak antolatu dute, Ondarearen Europako Jardunaldien barruan. Bisita gidatua gaztelaniaz izango da, goizeko 11:30ean udaletxetik abiatuta.
Muruetan Erandioko ontzigintzaren historiaz jabetu ahal izango dira bertaratuko direnak. Celaya edo Ruíz de Velasco Erandioko ontziola zaharretatik irten ziren eskola-ontzi batzuen nondik norakoak eta zelan eraiki ziren azalduko dituzte. Guayas, Cuathemoc eta Simón Bolivar ontziak, adibidez, Ekuador, Mexiko eta Venezuelara bidali zituzten.
Izen-ematea 944 890 140 telefonora deituz egin daiteke. Lekuak mugatuak dira.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
