Sute bat piztu zen atzo Erandioko Benjamin Anaia plazako etxebizitza batean, 16:30ak aldera. Sutea handia izan zen eta garrak seigarren solairuraino iritsi ziren. SOS Deiak zerbitzuak zabaldu duenez, kea arnastu zuten zortzi pertsona erietxera eraman behar izan zituzten. Era berean, suhiltzaile bat ere ospitalera eroan behar izan zuten, EITBren arabera.
Sutea eraikinaren hirugarren solairuan isiotu zen, etxebizitzako areto nagusian. Suteak gorantz egin eta seigarren solairuraino iritsi zen.Hirugarren solairuko etxebizitzaren jabeak eta zazpi bizilagunek kea arnastu zuten eta erietxera eraman zituzten. Era berean, suhiltzaile bat lurrera erori egin zen, sugarrak itzaltzeko lanean zebilenean, eta erietxean artatu zuten. 18:30ak aldera lortu zuten sua itzaltzea. Gertatutakoa argitzeko ikerketa abian dago.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!