Martxoak 8

Feminismoaren aldarria kaleetara eroango dute erandioztarrek

Erabiltzailearen aurpegia Hiruka 2017ko martxoaren 3a

Eguaztenean, martxoaren 8ko manifestazioa amaituko da hil dituzten emakumeak oroitzeko estatuaren aurrean.

Emakumeen Nazioarteko Egunaren harira, zenbait ekimen antolatu dituzte Erandioko Emakumeen Elkarte Sozio-kulturalak (EEESK), Astrabuduko Emakumeen Elkarteak eta Erandiogoikoko Damatxo Emakumeen Elkarteak. Martxoaren 3an, "El código Atenea" antzezlana izango da Altzagako Azoka Zaharrean, 18:00etan.

Hilaren 6an, Aldarteko Lala Mujikak "Sexu eta genero-dibertsitatea" berbaldia emango du EEESKren lokalean, 19:00etan. Hurrengo egunean, Ziortza-Bolibarrera txangoa egingo dute. Egun berean, Altzagako emakumeek Batzar Nagusia egingo dute Azoka Zaharrean, 19:00etan. Martxoaren 8an, elkarretaratzea izango da 12:00etan udaletxearen aurrean. Ondoren, kalejira egingo dute Tartangaraino, hil dituzten emakumeak oroitzeko estatuaraino. 18:00etan, berbaldia izango da Josu Murueta kultur etxean.

Erandioko Emakumeen Elkarte Sozio-kulturalaren egitaraua

Erandioko Udala eta emakumeen elkarteen egitaraua

Jendartea Erandio
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun