Emakumeen Jabekuntza Eskolarenak izango dira inskripzioa betetzeko lehenengo tailerrak, martxoaren 13ra arte: "Nosotras, vosotros, ellos y ellas" hizkuntza ez sexistaren tailerra emango du Irantzu Varelak martxoaren 17an eta 18an, Josu Murueta kultur etxean; ostean, apirilaren 25etik ekainaren 3ra, Itziar Gandíak emozioak kudeatzeko tailerra eskainiko du Altzagako Bekoa ikastetxean. Modu berean, bost dira martxoaren 15a epemuga duten ikastaroak: funky-dantza, mintzapraktika ingelesez, emozioen inteligentzia, ogi-tailerra eta puntu-lanak. Hilaren 17ra arte, izena eman daiteke eskulanetakoan eta loreontzi-ortukoan.
Argibide gehiagorako jo daiteke Erandioko Gazteria Sailarengana, honako bitartekoen bidez: gazteria@erandio.eus eta 609 082 646.
Gazteentzako ia 50 ikastaro antolatu dituzte Erandioko Gazteria Sailak, Berdintasun Zerbitzuak eta Txorierriko Mankomunitateak; gehienak uda aldera egingo badira ere, egunotan 9 ikastaro eta tailerretan izena eman daiteke.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun