Pertsona bat atxilotu dute Erandion, telefonoak lapurtzea egotzita

Ertzain bi, artxiboko irudian. IREKIA - EUSKO JAURLARITZA

Ertzaintzak 25 urteko emakume bat atxilotu zuen atzo arrastian Asuako denda batean. Segurtasun Sailak zabaldu duenez, Asuako denda bateko segurtasun-arduradunak deitu zien poliziak bertaratzeko eskatuz. 14:00ak jotzear zeudenean egindako dei hartan, segurtasun-buruak jakinarazi zien emakume bat erretenituta zeukatela, lapurtzen ahalegintzen harrapatu ostean.

Ertzainak bertaratu zirenean, emakumea identifikatu zuten. Ertzaintzaren arabera, dendako guardiek emakumea gelditu zuten dendatik irteten zebilenean zenbait sakelako telefonoakaz, horien alarma-gailuak kendu ondoren eta ordaindu barik. Iturri horren bertsioari jarraiki, emakumeak poltsa egokituta ei zeukan alarma-seinaleak eragozteko. Bertan eroan omen zuen merkantzia 750 euro baino gehiagoko balioa zeukan. Ertzainek gaztea atxilotu eta Erandioko komisariara eraman zuten. Geroago, epailearen esku ipini zuten.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun