Erandioko Txoko Feministak antolatuta, bariku honetan, apirilak 7, "En tránsito" dokumentala proiektatuko dute Astrabuduko Josu Murueta kultur etxeko areto urdinean, 18:00etan. Oskar Tejedor zinemagile gipuzkoarrak idatzitako eta ekoiztutako filmak kasu egin dio emakume etorkinen esperientziei.
Tejedorrrek galdera nagusi bati erreparatu dio dokumentalean: Zer uzten dute atzean lan bila etortzen diren emakume etorkinek? Izan ere, egun batetik bestera norabidea aldatu eta Europara bakarrik bidaiatzea erabakitzen dute emakume horiek, etorkizun oparoa eta egonkortasun ekonomikoa aurkitzeko asmoz. Latinoamerikatik Europara bidaiatzen duten milaka emakumeen errealitatea islatzen du filmak, baita distantzia horrek beraien familiekiko harremanetan sortutako ondorioak ere. Bizitza osorako eragina izango duten egoera gogorrak, gutxitan mahai-gaineratzen direnak.
Filma Nikaraguan, Hondurasen, Espainian eta Euskal Herrian filmatu da. Iaz estreinatu zen.
"En tránsito" dokumentalaren aurrerakina
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
