Pertsona bat zauritu da goizean Erandion, auto-istripu batean

Istripuak eragindako auto-ilara. © EUSKO JAURLARITZAREN TRAFIKO ZUZENDARITZA

Hiru autok talka egin dute gaur goizeko 08:15ak aldera Erandion, Avanzadan. Eusko Jaurlaritzaren Trafiko Zuzendaritzak zehaztu duenez, ezbeharra izan da BI-637 errepideko 9. kilometroan, Bilboko noranzkoan, oraindik ezagutzen ez diren arrazoiak direla medio. Istripuaren eraginez, pertsona batek hainbat zauri jazo du; Gurutzetako ospitalera eroan dute anbulantziaz, Ertzaintzak jakinarazi duenez. Modu berean, bi errei itxi behar izan dituzte, errepidea garbitzeko, eta auto-ilara luzeak sortu dira ordu batez.