Eskolan irakasten dituzten musika tresnak honakoak dira: pianoa, gitarra, biolina, biola, biolontxeloa, baxu elektrikoa, gitarra elektrikoa, panderoa, bateria, akordeoia, flauta, klarinetea, saxofoia, tronpeta eta trikitia.
Talde-lanari dagokionez, honako trebatze-taldeak eskaintzen dituzte: hasierako tailerra, musika-mintzaira, abesbatza txikia eta nagusien abesbatza, akordeoi-orkestra, gitarra-orkestra, harizko orkestra, airezko musika-tresnen taldea, ganbara-musika, helduentzako musika-tresna musika-mintzairako aurretiko ezagupenik gabekoentzat eta musika modernoen taldeak.
Erandioko Udalak nabarmendu du eskola dela "erandioztar guztion musikarekiko topagunea". hala, herritarrak deitu ditu musika-eskolara joan eta euren zaletasuna garatzera. Izan ere, musika-eskolak azaldu duenez, musikak bizitzarako zenbait ekarpen positibo eragiten ditu, hala nola: "gure emozioak adierazten laguntzen digu; gure antzinako kultur usadioakaz konektatzen gaitu; matematika-kontzeptuak ulertzea eta irakurmena errazten dizkigu; ikus-oroimena eta entzun-oroimena garatzen dizkigu, eta adimen-kozientea handitzen du; gure arteko harremanak aske eta sentiberatasunez gozatzen laguntzen digu; gure ikas-ohiturak hobetzen dizkigu; txikien psikomotrizitatea garatzen du".
Matrikula egin daiteke aurrez-aurre, Josu Murueta kultur etxean, astegunetan, honako ordutegian: 10:00-12:00 eta 17:00-19:00; barikuetan goizez bakarrik egongo da irekita. Modu berean, honako bideak erabil daitezke argibide gehiago eskatu edo izena emateko: 944 170 776 telefonoa eta smeskola@erandio.eus posta elektronikoa.