Erandioko Udalak eta Aunar elkarteak berretsi eta zabaldu dute orain arte izan duten hitzarmena. Hala, iaz abiatutako elkartasun-tuper ekimena auzokide gehiagorengana ailegatuko da, denera 22. Modu berean, hemendik aurrera plater bi ez ezik, azkenburua ere jasoko da, pakete berean.
Zailtasun ekonomikoak dituzten auzokideek janari-errazioak jasotzeko egitasmoa da hitzarmenak jasotzen duena. Maite Pérez, Gizarte Ekintza zinegotzi sozialistak azaldu du “akordio honi esker neska-mutilen eta pertsona nagusien elikadura hobetuko dela”. Izan ere, baieztatu duenez, dieta berrian “produktu freskoak, haragia eta arraina izango dira, eta ez bakarrik Elikagai Bankuak izan ohi dituenak: pasta eta arroza”.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!