Izan ere, orain arteko saio biak irabazi zituen, Berrizen eta Martiartun, eta bi puntuko aldea atera dio Gaztedi A taldeari. Laukizkoek oso zaila dute egoera horri buelta eman ahal izatea. Pasa den zapatuan Erandion jokatutako azken saioan, Goiherri A tiraldi denetan nagusitu zen. Laukizko Gaztedi Ak, ostera, berdez jantzitakoen aurka besterik ez zuen galdu, eta bigarren postuagaz konformatu behar izan zuen. Hirugarren postuan, berriz, berdinduta geratu ziren Goiherri B eta Mutriku.
Datorren zapatuan, hilaren 17an, 17:30etik aurrera, erabakiko da zeinek jantziko duen Lur Gaineko Euskadiko Sokatira Txapelketako txapela, 640 kiloko mailan. Joko-eremua Mallonako futbol-zelaia izango da, Begoñako antzinako errepublikan, Bilboko udalerrian. Faborito nagusia Goiherri A taldea da.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun