Urriaren 12an, eguenean, Hispanitatearen eta Guardia Zibilaren Eguna ospatzen da espainiar Estatuko leku askotan. "Euskal Herrian jaiegun arrotza" delakoan, Erandioko Altzaga ikastolak zentroa zabaltzeko erabakia hartu du, "egutegi propio baten alde egiteko asmoz". Hala, bertoko irakasle batzuek jakinarazi dutenez, "jai arrotz horri planto egiteko jarrera hartu" eta "aldarrikapen eguna bihurtzeko" eguna bilakatuko dute eguena; horren bidez, inguruko eskoletan ere eragiteko asmoa dute antolatzaileek.
Horretarako, goizean hainbat tailer eta ekintza egingo dituzte Bustinza plazan, Bekoako eraikinaren ondoan, 11:00etatik 13:00era. Besteak beste, antzerki, sukaldaritza, graffiti eta perkusio tailerrak; goitibeherak, liburutegia, solasaldiak eta esperimentazioa egingo dituzte denbora tarte horretan.
Azaldu dutenez, elkarlanean garatuko dute egitaraua irakasleen, begiraleen eta bestelako langileen, familien eta herriko eragileen artean, "bagarelako…Euskal Herriko eskola publikoa, euskalduna, laikoa,
anitza eta hezkuntza sistema propioaren aldekoa".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun