Erandioko Udalaren Berdintasun Arloak aitentzako tailerra antolatu du, umeentzako masajeen eta afektibotasunaren gainekoa.
Erakundeak azaldu duenez, tailer horren bitartez aitak euren "seme-alaben hazkuntzarekiko eta hezkuntzarekiko inplikazioan sakontzen" ahaleginduko dira. Hala, "modu aktiboan" kokatuko dira, "tradizionalki ezarritako aita-eginkizuna eraldatzeko". Ekimena berbaldi baten bidez aurkeztuko dute, datorren abenduaren 13an, eguaztenean, Bekoa ikastetxean. Ostean tailerra leku berean izango da, barikuetan, urtarrilaren 12tik 26ra.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!