Bigarren urtez, Erandioko Udalak prozesu parte-hartzailea antolatu zuen, joan den irailean eta urrian, aurrekontuetan herritarren ekarpenak jasotzeko asmoz. Iaz egin zuen legez, aurten ere jasotako emaitzak argitaratu eta ezagutarazi ditu: 216 inkesta jaso dira, horietako 98 Internetez, eta beste 118 auzoetan ipinitako postontzi berezietan.
Emakumeek gizonezkoek baino gehiago parte hartu dute, eurek bete baitituzte inkesten %58. Denera, 520 ekarpen batu dituzte. Gehien errepikatu den eskaera EHUk Leioan duen campusaren ondoko pista zaharberritzea izan da; 17 herritarrek proposatu dute hori. Ostean, gaztetxe bat eskatu dute 9 lagunek, eta beste bik zehaztu dute Kalezulo gura dutela. Aparkalekuak gura dituzte zortzi pertsonek; estali bako igerilekuak, zazpik; eta enplegua, seik.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!