Erandioko Udalak jardun du Ur Partzuergoagaz elkarlanean, azken horrek Ikoetako euri-uren arazoari hel ziezaion. Izan ere, orain arte, parkeak ez zuen xurgatzen Enekuriko gainaren magaletik jaisten zen euri-ura eta, beraz, urez gainezka geratzen zen, auzokideei traba eginez. Egindako lanek erraztuko dute parkea erabiltzea.
Udal-arduradunek gaur azaldu dutenez, egin beharreko jarduera ez zen udal-eskuduntza bat, baina Udalak auzokideei hori egingo zutela agindu zien. Hala, Ur Partzuergoari auzokideen eskaera helarazi zioten; partzuergoak "arazoa garrantzitsua zela ulertu zuen" eta lanak egingo zituela baieztatu zuen. Ikerketa geoteknikoak hasi ondoren, Ur Partzuergoko teknikariek proposatu zuten hainbat material sartzea, baina gerora baieztatu zuten metroko gunea leherketen bidez beteta dagoela. Hala, ondorioztatu zuten konponbide horren bidez lur-jausiak gerta litezkeela trenbidean. Hori jakinda, beste irtenbide bat bilatu zuten: urak batzea ubide berri baten bidez, parkearen kotak erabilita. Zerupeko kanalizazio hori parkearen erditik pasatzen da, auzoko atzealdean dagoen ponpaketa-guneraino; handik itsasadarrera doa.
