Segurtasun Sailak zabaldu duenez, atzo, zapatuan, goizaldeko 05:00ak aldera, Erandioko diskoteka batetik deitu zuten Ertzaintzara, diskoteka barruan gizonezko batek jasan zuen erasoaren berri emateko. Ertzainak lokalera iritsi zirenean, biktimari odola zerion aurpegian zuen zauritik. Aurretik, beste gizonezko batek kristalezko edalontzi batez jo zuen. Poliziek ustezko erasotzailea inguruan aurkitu zuten. Zaurituak ebaki sakon bat zuen, begi azpian, eta beste hainbat zauri txiki aurpegi osoan. Horren ondorioz, Gurutzetako ospitalera eroan behar izan zuten, zauriak sendatzera. Ustezko erasotzailea 18 urteko gizonezkoa da, delitu-aurrekariak ditu eta eraso eginda lesioak eragitea leporatuta atxilotu zuten. Behin izapideak amaitutakoan, arrastatua epailearen aurrera eroan zuten.
Ertzaintzak 18 urteko gazte bat atxilotu zuen atzo Erandion, kristalezko edalontzi batez beste mutil bati eraso egin eta aurpegian ebaki sakon bat egin ziolakoan. Biktima ospitalera eroan zuten.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun