Gaur eta domeka bitartean, Erandioko Gure Esku Dagok hiru aurkezpen egingo ditu udalerrian, emateko herri-ituna sortzeko prozesuaren eta ekainaren 10eko jende-katearen berri. Ekitaldiak Erandiogoikoan, Altzagan eta Astrabuduan izango dira.
Erandioko GED herri-plataformak gogorarazi duenez, Gure Esku Dagok Donostia, Bilbo eta Gasteiz lurraldeburuak lotuko ditu jende-kate batez datorren ekainaren 10ean. Mobilizazioaren helburua erabakitzeko eskubidearen alde agertzea izango da, "eman eskua etorkiZUnari" goiburupean. Bestalde, herritarren itun bat sortzeari ekin zion eragileak joan den urteko data berean.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!