Maiatzaren 14tik 30era bitarteko astelehen eta eguaztenetan egingo du sukaldaritzako ikastaroa aurton Berbots euskaltzaleen topaguneak. Gure hizkuntzan, giro apartaz gozatzeko aukera emateaz gainera, bertoko oinarrizko plater tradizionalak zein bakoitzak eskatutakoak ere zelan egin erakutsiko dute bertan. Izen-ematea zabalik dago.
Ordutegiari dagokionez, 18:30etik 21:00etara izango dira eskolak, Bekoa ikastetxean. Ikastarorako izen-ematea 667 995 716 telefonoaren bidez zein berbalagunerandio@gmail.com posta elektronikora mezua bidaliz egin daiteke. Berbotskideek, berbalagunek eta bestelakoek har dezakete parte.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!