Udako jaiak 2018

Erandioko lehenak, Goierriko San Kristobal jaiak!

Zapatuan Trikizio taldeak girotuko du gaua. © TRIKIZIO

Urtero legez, uztaila hasi bezain laster, umeek abiaraziko dituzte Erandioko sankristobalak. Uztailaren 6tik 10era bitartean, Madalena auzoko San Kristobal gurtzen duen baselizaren inguruetan ibiliko dira jai-giroan goierritarrak eta hurreratuko diren gainerako erandioztarrak zein kanpokoak. Ohi den legez, ez dira faltako sokatira-txapelketa, asto-probak eta musika-emanaldiak, besteak beste.

Uztailak 6, barikua

  • 18:30     Suziria botatzea.
  • 18:30     Umeen igoera Iberretik San Kristobalera.
  • 19:00     XIII. Txinbera-lehiaketa, Jagoba Bilbaoren omenez.
  • 00:00     Disko-festa.  

Uztailak 7, zapatua

  • 17:30    Lurgaineko Euskadiko Sokatira Lehiaketa (560 kg).
  • 17:30-21:30 Puzgarri erraldoiak eta umeentzako bits-festa.
  • 20:00     Doako saiheski-jana, Goiherriko sokatira-taldearen eta jai-batzordearen ekimenez.
  • 23:00     Gaupasa, Trikizio taldeagaz.
  • 02:00     Bingo-lehiaketa.
  • 02:30     Disko-festa, DJ Markelinen eskumenez.

Uztailak 8, domeka

  • 12:30     Eliza-ospakizunak.
  • 13:00     Dantza-erakustaldiak, Goialde taldearen eskumenez.
  • 18:00     Olgetan Solas, familien arteko kirol-saioak eta jolasak, besteak beste.
  • 18:30     Asto-probak.
  • 21:00     Jaien amaiera.  

Uztailak 10, martitzena

  • 12:30     Meza.
  • 13:00     Hamaiketakoa, auzoko nagusientzat.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun