Gazteen eguna izango da irailaren 1a Erandioko Altzaga auzoan, San Agustin jaien azken txanpan. Horregaz batera, Euskal Herri osoko elektrotxarangak elkartuko dira bertan, daborduko bosgarren edizioa egingo duen topaketan. Ez da ekimena Uribe Kostara datorren lehengo aldia, orain dela urte bi Plentziako sanantolinetan batu ziren eta.
Eguerdi aldean egingo diete ondoetorria elektrotxarangei, eta ondoren egun osoa emango dute musikariek herria girotzen. Hau izango da egitarau osoa:
- 13:00 Ondoetorria, Europa plazan.
- 13:30 Elektropoteoa, jolasak eta guzti
- 15:00 Gazte bazkaria, txosnagunean
- 17:00 Jolasak: elektrotxarangak + gazteak
- 19:00 Kalejira herrian zehar
- 21:00 Ekitaldia Irailaren 23a plazan (udaletxe aurrean).